Menntask�linn � �safir�i - Allar fr�ttir

Heilsuefling � m�tuneyti

Fri, 03 Feb 2012 09:58:00 +0000

Menntaskólinn á Ísafirði er heilsueflandi framhaldsskóli

Í vetur er áherslan lögð á næringu og þar skipar mötuneyti skólans að sjálfsögðu stóran sess. Fjölbreyttur matseðill er í mötuneytinu alla virka daga en hann er hægt að skoða hér á síðunni. Ýmsar nýjungar hafa litið dagsins ljós:

Við bjóðum upp á ókeypis hafragraut í mötuneyti skólans kl. 7:50-9:10
Hægt er að kaupa boost í mötuneytinu sem þarf að panta og greiða daginn áður eða í síðasta lagi kl. 8 samdægurs. Fólk skilur eftir merkt plastmál þegar pöntun er gerð. Boostið er afhent í mötuneyti kl. 10 á morgnana. Hægt er að kaupa 10 skammta 2500 kr. Einnig er hægt að kaupa stakan skammt á 300 kr
Sallatbar í hádeginu alla virka daga
Vatnsbrunnur á neðri hæð fyrir nemendur

Velkomin í mötuneyti MÍ!

J�fnunarstyrkur L�N

Tue, 31 Jan 2012 09:29:00 +0000

Umsóknarfrestur um jöfnunarstyrk vegna vorannar 2012 er til 15.febrúar næstkomandi! Nemendur geta sótt um jöfnunarstyrkinn í gegnum sitt svæði í heimabankanum sínum og/eða Innu, vefkerfi framhaldsskólanna. Kynntu þér reglur um námsstyrki og leiðbeiningar um skráningu á www.lin.is

Lánasjóður íslenskra námsmanna
Námsstyrkjanefnd

M� hefur loki� keppni � Gettu betur

Fri, 27 Jan 2012 14:08:00 +0000

Gettu betur lið MÍ mætti liði Fjölbrautarskólans í Garðabæ í 2. umferð kepnninnar. Leikar fóru þannig að FG hafði sigur en lokatölur keppninnar voru 23-8. MÍ-ingar komust því ekki í sjónvarpið að þessu sinni en það gengur vonandi betur næst.

M� komst �fram � Morf�s!

Thu, 12 Jan 2012 23:00:00 +0000

Lið MÍ sigraði andstæðingan sína úr FB í annari umferð Morfís í kvöld. Keppnin fór fram í Fjölbrautaskólanum í Breiðholti og var mjög spennandi. Úrslitin urðu þau að MÍ sigraði með 9 stiga mun og einn dómari af þremur dæmdi MÍ til sigurs. Ræðumaður kvöldsins kom frá FB. Stuðningsmannalið MÍ stóð sig einnig með eindæmum vel, frábær frammistaða hjá krökkunum eftir margra klukkutíma rútuferð til Reykjavíkur! Við óskum þeim Berglindi, Tómasi, Ísak og Gauta til hamingju með sigurinn.

M� �fram � Gettu betur!

Thu, 12 Jan 2012 20:36:00 +0000

Lið MÍ sigraði andstæðinga sína úr VMA í fyrstu umferð Gettu betur í kvöld. Lokatölur voru 8-4 MÍ-ingum í vil. Við óskum þeim Þorgeiri, Hallberg og Daníel til hamingju með sigurinn og hlökkum til að fylgjast með þeim gera ennþá betur í næstu umferð.

Morf�s og Gettu betur

Wed, 11 Jan 2012 08:55:00 +0000

Það er mikið um að vera hjá nemendum MÍ um þessar mundir. Morfís og Gettu betur lið skólans munu bæði keppa í höfuðborginni fimmtudaginn 12. janúar. Fjölmennt stuðningsmannalið úr röðum nemenda fer með í ferðinna og til að styðja við bakið á liðunum. Við óskum þeim góðrar ferðar og keppendum góðs gengis.

K�r � vor�nn

Tue, 10 Jan 2012 12:27:00 +0000

Þessa önn er ætlunin að æfa upp efnisskrá með lögum úr kvikmyndum og söngleikjum og flytja þá dagskrá í kringum Sólrisuhátíðina. Einnig er stefnt á að taka þátt í norrænu kóramóti sem haldið verður í Hörpunni dagana 5.-8. ágúst 2012.

Til að kynna kórinn og verkefnin sem eru framundan verður „opin æfing" n.k. fimmtudag í fyrirlestrasalnum kl. 10:25.

Skorað er á allar raddir (ekki síst karlaraddir) að mæta og kynna sér starfið í kórnum.

Kór Menntaskólans á Ísafirði hefur starfað við skólann síðan á vorönn 2010 undir stjórn Bjarneyjar Ingibjargar Gunnlaugsdóttur. Kórinn hefur það hlutverk að syngja við athafnir tengdar skólanum s.s. útskriftir, Sólrisuhátíð og nú í desember var hann með aðventustund ásamt leiklistarfélagi skólans í Ísafjarðarkirkju. Kórinn hefur líka verið beðinn um að syngja við athafnir á vegum bæjarfélagsins s.s. á Silfurtorgi þegar kveikt er á jólatrénu og á 17. júní hátíð.

Kórinn er valgrein sem gefur 2 einingar á önn og er mætingaskylda í hann eins og aðra tíma innan skólans. Sækja þarf um leyfi og tilkynna forföll ef nemandi er fjarverandi.

Bjarney Ingibjörg

Jón Reynir

UPPHAF VORANNAR

Mon, 02 Jan 2012 21:54:00 +0000

Vorönn 2012 hefst miðvikudaginn 4. janúar kl. 9 með ávarpi skólameistara á sal. Að því búnu hitta nemendur umsjónarkennara sína og fá afhentar stundatöflur og bókalista. Síðan taka við töflubreytingar fyrir þá nemendur sem þurfa á þeim að halda. Stundatöflur eru nú þegar aðgengilegar í INNU fyrir þá nemendur sem greitt hafa þjónustugjöld vorannar.

Gle�ileg j�l!

Wed, 21 Dec 2011 12:30:00 +0000

Menntaskólinn á Ísafirði óskar nemendum og starfsfólki gleðilegra jóla og farsældar á komandi ári. Skólastarf hefst að nýju eftir jólaleyfi þann 4. janúar og eiga nemendur að mæta á sal kl. 9 þann dag. Stundatöflur verða aðgengilegar í Innu nokkru áður. Sett verður sérstök frétt á heimasíðuna til að tilkynna það, þegar þar að kemur. Bókalistinn er aðgengilegur á heimasíðunni. Skrifstofa skólans verður lokuð í jólaleyfinu og opnar aftur þann 4. janúar. Þeir sem eiga erindi við skólann geta sent tölvupóst á misa@misa.is

J�la�tskrift 2011

Wed, 21 Dec 2011 10:01:00 +0000

Laugardaginn 17. desember voru 14 nemendur brautskráðir frá skólanum. Tveir útskrifuðust sem vélaverðir smáskipa og þrír sem sjúkraliðar. Úr A námi vélstjórnar útskrifaðist einn nemandi og einnig útskrifaðist einn vélvirki. Sjö luku stúdentsprófi, sex af félagsfræðibraut og einn sjúkraliði lauk viðbótarnámi til stúdentsprófs. Kór MÍ undir stjórn Bjarneyjar Ingibjargar Gunnlaugsdóttur flutti tónlist við athöfnina og nemendum voru veittar viðurkenningar fyrir góðan námsárangur. Skólinn þakkar útskriftarnemum samstarf og samveru á undanförnum árum og óskar þeim alls hins besta í framtíðinnni.