Í skólanum er gróskumikið félagslíf. Kjörin stjórn nemendafélagsins hefur yfirumsjón með félagslífinu og frumkvæði að nýjungum. Á vegum nemendafélagsins starfa ýmiss ráð og klúbbar. Nemendafélagið sér um útgáfu skólablaðs. Þriðjubekkjarráð rekur verslun í skólanum til fjáröflunar fyrir útskriftarferð.

Nýnemaferð
Árlega er farið með nýnema í náms- og samskiptaferð til þess að gefa nýnemum kost á að kynnast. Nemendur eru að koma frá mörgum byggðakjörnum í skólann og þekkjast ekki mikið innbyrðis. Síðastliðin ár hefur verið farið á Núp og gist eina nótt. Farið er í göngu- og kynnisferðir, leiki og íþróttir undir stjórn kennara og svo er kvöldvaka með skemmtidagskrá þar sem nemendafélagið kemur og kynnir hlutverk nemendafélagsins og hvað er í boði í félagslífinu.

Sólarkaffi
Árlega í kringum 25. janúar ár hvert er sólarkaffi MÍ. Þá er nemendum boðið upp á rjómapönnukökur og annað gott meðlæti á Sal í boði skólans. Þriðju bekkingar sjá um veitingar og er þetta liður í fjáröflun þeirra.

Árshátíð
Í febrúar ár hvert er haldin árshátíð skólans. Þá mæta nemendur og kennarar prúðbúnir til hátíðarkvöldverðar með skipulagðir dagskrá. Nemendur og kennarar sjá um skemmtiatriði og svo er dansleikur á eftir.

Útvarp MÍ
MÍ-Flugan hefur verið starfrækt til margra ára í tengslum við Sólrisuhátíðina.

Morfís
Til margra ára hefur MÍ keppt í Morfís mælsku- og rökræðukeppni framhaldsskólanna.

Gettu betur
Spurningarkeppni framhaldsskólanna „Gettu betur" er vinsælt keppikefli nemenda í MÍ og draumurinn er að komast í sjónvarpssal. Markmiðið er ennþá að komast í úrslitin.

Kennarar kvaddir
Daginn fyrir síðasta kennsludag mæta útskriftarnemendur prúðbúnir í skólann og kveðja kennara á kennarastofu með kökuveislu.

Útskriftarveisla
Nemendur standa fyrir sérstakri útskriftarhátíð með fjölskyldum sínum, starfsfólki skólans og
afmælisárgöngum. Haldinn er sameiginlegur kvöldverður með dansleik á eftir. Hin síðari ár hefur hátíðin farið fram í Íþróttahúsinu.

Nýnemar Menntaskólans á Ísafirði eru formlega vígðir inn í skólann af eldri bekkingum sem leggja ýmsar þrautir fyrir nýnemana og að því loknu teljast þeir löggiltir menntskælingar. Skólinn býður upp á veitingar á eftir.

Útskriftarbók nemenda í MÍ. Þriðjubekkingar gefa út grínrit til heiðurs útskriftarnemum. Þar er gert góðlátlegt grín að útskriftarnemum og kennurum ásamt teiknaðir grínmynd af hverjum og einum.

Síðasta kennsludag fyrir próf mæta útskriftarnemendur í skólann uppáklæddir í furðufatabúning sem þau hafa yfirleitt saumað sjálf.

Á vegum nemendafélagsins starfa ýmiss ráð og klúbbar.

Vefur:

• nmisa.is

Til margra ára hefur verið gefið út skólablað í tengslum við Sólrisu. Sérstök ritnefnd sér um útgáfuna.

Í mars er lista- og menningarvika í umsjá nemenda og hefur hún verið haldin árlega síðan 1975. Sérstök Sólrisunefnd sér um að skipuleggja viðburðina og leggur metnað sinn í að skipuleggja vikuna vel. Á Sólrisu eru ýmsar uppákomur alla vikuna en hæst ber uppfærsla leikhóps MÍ sem frumsýnir leikrit í fullri lengd á Sólrisu og hefur það verið árviss viðburður frá árinu 1993.

Vefur:

• solrisa.is