UPPE2UP05

Uppeldisfræði

Viðfangsefni: Uppeldis- og menntunarfræði - inngangur

Þrep: 2

Einingafjöldi: 5

Forkröfur: Engar

 

Lýsing:

Í áfanganum er uppeldi skoðað frá ýmsum sjónarhornum. Fjallað er um foreldrahlutverkefnið og rætt um hverju væntanlegir foreldrar geta búist við þegar von er á barni. Kynntar eru aðferðir atferlisstefnunnar við uppeldi og agastjórnun. Nemendur kynnast helstu námskenningum og kenningum í uppeldis- og kennslufræði. Fjallað er um menntakerfið, hlutverk þess og mismunandi skólastig. Unnið er með námskrár. Fjallað er um íþrótta- og tómstundamál. Leitast er við að tengja námsefni og verkefni við líf nemenda.

 

 

Þekkingarviðmið:

Nemandi skal hafa öðlast þekkingu og skilning á:

  • foreldrahlutverkinu
  • aðferðum atferlisstefnunnar við uppeldi og agastjórnun
  • helstu námskenningum og kenningum í uppeldis- og kennslufræði
  • hlutverkum menntakerfis og mismunandi skólastigum
  • íþrótta- og tómstundamálum á Íslandi

 

Leikniviðmið

Nemandi skal hafa öðlast leikni í að:

  • útbúa undirbúningsáætlun og kostnaðaráætlun í tengslum við komu barns í heiminn
  • skipuleggja leikskólastarf og tómstundastarf
  • mynda sér skoðun á skipulagi skólastarfs og geta kynnt þá skoðun í ræðu og riti
  • vinna úr fræðilegum texta um uppeldismál bæði á íslensku og ensku

 

Hæfniviðmið:

Nemandi skal geta nýtt þá almennu þekkingu og leikni sem hann hefur aflað sér til að:

taka ígrundaða afstöðu til námskenninga og kenninga í uppeldis- og kennslufræði og vinna eftir þeirri hugmyndafræði sem honum finnst sannfærandi

  • geta tekið þátt í málefnalegri umræðu um uppeldismál og rökstutt afstöðu sína
  • taka þátt í skipulagi tómstundastarfs
  • vinna störf sem tengjast uppeldi og menntun

 

Námsmat:

Metin verða fjölbreytt verkefni nemenda, auk þess sem prófað verður úr sumum þáttum áfangans. 

 

Leiðbeiningar:

Áfanginn er í brautarkjarna félagsvísindabrautar, en er valáfangi fyrir aðrar brautir.

Atburđir
« Júní »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Nćstu atburđir

Vefumsjón