ŢÝS 103

Áfangamarkmið

 

Hlustun

Að nemandi:

  • geti skilið einföld fyrirmæli kennarans á þýsku í kennslustofunni,
  • geti skilið talað mál með einföldum orðaforða þegar talað er við hann hægt og skýrt um efni sem varðar daglegt líf hans og tekið hefur verið fyrir í áfanganum
  • geti greint stök lykilorð eða afmarkaðar upplýsingar í texta sem talaður er á eðlilegum hraða um efni sem hann þekkir vel og er tekinn upp á segulband við aðstæður þar sem hljóð í umhverfi torvelda ekki skilning.

Lestur

Að nemandi:

  • geti lesið og skilið stutta texta með einföldum orðaforða,
  • geti áttað sig á meginefni í lengri texta sem skrifaður er á léttu máli þótt hann skilji ekki hvert einasta orð

Tal

Að nemandi:

  • hafi náð nokkru öryggi í réttum framburði, sérstaklega varðandi þau atriði þar sem ónákvæmur framburður getur auðveldlega valdið misskilningi, svo sem framburður á "sch", "z", "s", "ß", á "ch", á "u" og "ü", "ä", "au", "ei", "ie", "eu" og "äu",
  • hafi áttað sig á áherslum algengustu orða og geti líkt eftir hrynjandi setninga/setningahluta,
  • hafi tileinkað sér algengustu kveðjur og kurteisisvenjur á þýsku sem tilheyra daglegum samskiptum,
  • geti brugðist við einföldum fyrirmælum kennarans á þýsku og beðið um einföld atriði í kennslustofunni á þýsku,
  • geti óhræddur tjáð sig munnlega með einföldum setningum um afmarkað efni sem hann þekkir vel.

Ritun

Að nemandi:

  • geti tjáð sig skriflega með réttri stafsetningu í einföldum aðalsetningum á sjálfstæðan hátt um afmarkað efni sem hann hefur aflað sér orðaforða um,
  • geti svarað spurningum og myndað spurningar,
  • geti beitt reglum rétt í málfræðiæfingum,
  • geti skrifað stutt persónulegt bréf eða póstkort á þýsku.


Áfangalýsing

 

Í upphafi er unnið með einfalda texta sem tengjast reynsluheimi nemendanna. Lögð er megináhersla á þjálfun framburðar, uppbyggingu og notkun orðaforða um nánasta umhverfi, munnlega og skriflega tjáningu, hlustun og grunnatriði málfræðinnar sem nauðsynleg eru til að mynda einfaldar aðalsetningar og spurningar.


Atburđir
« Júní »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Nćstu atburđir

Vefumsjón